مافي أحلى من الأمثال الشامية القديمة واللي للأسف عم ننساها شوي ورا شوي راكدين ورا الدش والمسلسلات والأفلام والأغاني الهابطة التي ترقص فيها الأجساد قبل الألسن
حبيت حطلكن شوية أمثال من أيام أهل زمان ، واللي عندو شي متل أنا نسيانو وما كتبتوا يتفضل ويتبرع فيه:
- اجت الحزينة لتفرح مالقت لحالها مطرح
- الحكي الك يا كنة اسمعي يا جارة
- لابق للشوحة مرجوحة ولأبو بريص بقاب
- يلي ما بتزينو عروقو ما بتزينو خروقو
- يلي بدو يعمل جمال بعلي باب دارو
- خنفسة شافت بنتها على الحيط, قالتلا تقبريني متل اللولية بالخيط
- صار للدبانة دكانة وصارت تسكر على بكير
- شو بدي اتذكر منك يا سفرجلة كل عضة بغصة
- برغوت قال للبقة يضرب الشرشوح اذا ترقى
- تجوزنا لننستر الله يرحم ايام الفضيحة
-يا مأمنة بالرجال متل المي بالغربال
- قالو يا فرعون مين فرعنك قللون مالقيت مين يردني
- لولا علبة مكي لكانت الأحوال بتبكي
- لا بيعجبه العجب ولا الصيام رجب
- كلام القاضي متل الفستق الفاضي
- قاعد بحضنا و عم ينتف بدقنا
- على قد لحافك مد رجليك
- اللي بيسرق بيضة بيسرق جمل
- جاية من البرية و بدو ياخد الاولية
- متل حية التبن بتقرص و بتخبي راسها
- اللي عنده عشي ما بيزفر ايديه
- طب الجرة على تما بتطلع البنت لأما
- خود الاصيل و لو كان على الحصير
- بيتك اللي مو ببلدك مو الك و لا لولدك
- جابوا الاقرع ليسرح بنت السلطان
-المنحوس منحوس و لو علقوا بباب بيتوا فانوس
- حلاق فتح باقرع استفتح
- اللي فيه مسلة بتنغزو
- كل ديك على مزبلتو صياح
- أكل ومرعى وقلة صنعة
- جدي بدو يلعب بعقل تيس
- خلي العسل بوكارو بكرة بتجي أسعارو
- ساقية جارية ولا نهر مقطوع
- قلبي على ولدي وقلب ولدي عالحجر
- كل مين شافني أرملة شمر واجا هرولة
- مال الخسيس بيروح فطيس
- العز للرز والبرغل شنق حالو
- يا داخل بين البصلة واشرتها ما بينوبك غير ريحتها
- لا تقول فول ليصير بالعدول
- اللبس يعلم المشي والمال يعلم الحكي
موضوع: امثال شامية 
