•|.:::: ~ مواطن معتر طالع بالباص .... ~ ::::.| •

يقوم المواطن بمد أصبعه بكل براءة لباص الدائري الجنوبي
فيهجم عليه شوفير الباص هجم وإلا شوي رح يدعسو
يصعد المواطن فيستقبله المعاون بإبتسامة عريضة وبقلو هااااات
يمد المواطن يده ليعطيه سبع ليرات
بطلع فيه المعاون وبيزورو وبقلو(خمصطعش)
بقلو المواطن لك ليش خمصطعش
بقلوأي هي بطاقة ذهاب وإياب
المواطن بلكي أنا ما بدي أرجع
أي تصطفل هات خمصطعش وبلا علاك...........
المهم بيعطي المواطن مع أنو مو مقتنع
بقول المواطن يلا مو محرزة وبطلع هيك بدو يقعد على شي كرسي
بشوف كرسي مالو ضهرية وكرسي مالو جلد وكرسي ........
وعلى حيطان الباص ذكرى عصابة الكف الأسود ....أبو عزاب
أبو سباع خيال الزرقا .... رضاكي ياحجة...إلخ
والمفاجئة أنو ما في ولا كرسي فاضي بيجي يستند على زيق الشباك بلاقي الشباك كلو نشح وزبالة أمرولله بيتمسك بالعامود الفلتان الي عم يتلولح
وعلى أول فرام بيصير جنب الشوفير عم يقلو مرحبا
بيطلع شي تليتين أربعين سبعين ميتين راكب ومل بضل محل لا للعامود الفلتان ولا على زيق الشباك وبصير الأخ المواطن في عداد المفقودين
نزلنا عاليمين لو سمحت
جملة يطلقها أحد الجالسين على عرشه المزخرف فتنطلق العيون
تجاه الصوت للأنقضاض على ذلك العرش ولحسن الحظ الأخ المواطن واقف قدامو لسا ما تحرك من حلو كان محتل الكرسي
يجلس السيد المواطن ويجاكر الي حوالي وللصدفة بيكون الكرسي فوق الأشطمان (مدخنة الباص)
ينظر المواطن فيرى أعجوبة
رسما فنيا ساحرا خطته أجر الشوفير وهو عم يدعس مازوت
أسود داكن متل مدخنة المعامل عم يخنق كل من يمر جانب الباص
غمامة سوداء تحرق الأخضر واليابس
سل سرطان كوليرا إيدز .......
وبعد شي خمسين وقفة وقنفلة بيطلع المفتش
تزاكر تزاكررررررررر تزاكر أبوي
تفضل هي تزكرتي
تاني مرة لا بقا تطعوج التزكرة
حاضر
بعد شوي بيخطر لبال الشوفير يسمع طرب
بيشغل المسجلة الي عم تخشخش والبفل المبخوش بتطلع غنية
(تع بورد تع بورد تع) والمعاون بيقلو ياسلاااااااااام عليها
فجئ بتجي حرمة كبيرة عمتلوح يمين ويسار
فتتحرك به نخوة العرب
تعي إستريحي خالة
الله يحن عليك ولا يضيمك
أهلين حجة
بعد شوي بصيح المعاون بركو الحريم ..بركو الحريم ياخيو
كمان شوي بصيحو المعاون والشوفير سوا لقدام ياشباب الباص فاضي
نزلنا عليمين.......... هوب هوب نزلنا بعد تنين كيلو متر بطلع الشوفير حدا نيزل
بيقلو أي خيو أنا نزلني كرمال النبي
بقلو تعا تفضل....................
لسا ما بيلحق المواطن تصير أجرو على الأرض يكون مشي الباص
وعلى هي الحالة كل يوم ...

منقول